Os proxectos de comunicación ou secuencias adoitan conter as cinco grandes partes que se presentan abaixo.
A organización é, en todo caso, variábel. Fundamentalmente porque:
- – o traballo coa información pode faltar se non é relevante ou ben aparecer despois da análise do xénero (mesmo dentro da planificación do texto)
- – a aproximación ás características do xénero pode inserirse na textualización e revisión do texto
- – pode haber necesidade de recorrencia se se xoga con varios xéneros (por exemplo, na presentación dunha escolma de relatos)
Fases
1. Introdución
Títulos posíbeis: Que sabemos e imos facer?, De que vai este proxecto?, Organizámonos, Dos coñecementos previos ao plan de traballo, Motivación e negociación
2. Traballo coa información
Títulos posíbeis: Buscar e recoller información, Informámonos, Profundamos no tema, Estudo do tema
3. Abordaxe das características do tipo e/ou xénero textual
Títulos posíbeis: Como se poden expresar as ideas?, Como é [o xénero]?, Sobre a linguaxe do [xénero], Os elementos do [xénero], Ampliando saberes sobre [o xénero]
4. Produción
Títulos posíbeis: Escribimos, O noso [xénero], Planificamos, realizamos e revisamos
5. Presentación e avaliación final
Títulos posíbeis: Compartillamos, Presentamos e avaliamos, Velaquí o [xénero]