Elementos que se deben considerar no deseño inicial da secuencia
Claves
- .: Escolla axeitada dun centro de interese e negociación (controlada) do proxecto co alumnado
- .: Proposta de realización dun texto con sentido no contexto social (escolar, da comunidade, dos medios de difusión…)
- .: Traballo das habilidades relacionadas coa procura e tratamento da información e mais dos aspectos necesarios asociados ás características do tipo e xénero textual en actividades posibilitadoras (obradoiros para apropiarse do xénero)
- .: Realización dunha produción inicial que avalíe o alumnado e permita axustar a secuencia
- .: Abordaxe na planificación do texto da situación de comunicación e mais da estrutura e na textualización da recolleita de conclusións tiradas nas actividades posibilitadoras
- .: Secuenciación acorde coas necesidades (hai que mellorar a procura e tratamento da información?, non sabe o alumnado identificar o xénero?, deben traballarse estratexias para expresar as ideas…)
- .: Combinación, no posíbel, de diferentes destrezas comunicativas: comprensión oral e escrita, produción oral e escrita, interacción
- .: Inclusión de apoios (listas, guías, fichas, cadros, follas de avaliación…) para as actividades que o precisen
- .: Adaptación dos pasos do proceso (amplitude dos contidos e despregamento das destrezas), así como dos apoios dados e a propia presentación, ao tipo de alumnado
- .: Integración das TIC, aínda que creemos a versión para realizar en papel
- .: Incorporación de actividades interactivas, se é posíbel, como apoio á reflexión e para a avaliación da comprensión
- .: Realización de actividades en grupo sen que colisionen cos distintos ritmos de aprendizaxe
Proposta de plan para o deseño.
Lista de control dun proxecto de comunicación (adaptado de Inmaculada Marcos)
Obxectivos
- Están dirixidos ao desenvolvemento competencial
- Serán coñecidos polo alumnado
Contidos
- Predominan os procedementos; os conceptos están ao servizo destes
- Considérase a literatura un ámbito de uso máis e intégrase cos demais contidos
Deseño e estrutura
- Proponse producir un texto cunha finalidade comunicativa real. Motívase o alumnado para a súa produción
- Profesor/a e alumnado acordan o plan de traballo (que obxectivos se perseguen, que se fará…)
- Inclúense actividades de preparación, desenvolvemento (recompilación de información, reflexión sobre a situación de comunicación, extracción das características do tipo/xénero que se vai crear) e produción
- O eixo é o proxecto de produción e cada unha das partes conecta coas demais para permitir a mellora das destrezas
Textos
- Combínanse os orais e os escritos (para a comprensión e a expresión) e textos de diferentes ámbitos
- Inclúense xéneros textuais variados
- Elíxense tendo en conta as necesidades comunicativas do alumnado
Actividades
- Combínanse as habilidades comunicativas
- Hai produción contextualizada, con planificación, estruturación e revisión
- A reflexión sobre a lingua baséase nas características do tipo e xénero textuais que se traballan
- As actividades son todas relevantes para a produción final; a finalidade común é poder realizala adecuadamente
- Hai algunha para extraer os coñecementos previos e algunhas de avaliación ao longo da secuencia
- Son variadas, con diferentes agrupamentos
Avaliación
- Explícanselle ao alumnado ao comezo os criterios que se van empregar
- Empréganse diferentes instrumentos ao longo da secuencia (creación inicial, revisión de fases e textos intermedios e mais do texto final)
- Avalíase o proceso de aprendizaxe
- Inclúese a autoavaliación e a coavaliación